Maneira download Video husi Youtube utilija Terminal Linux

Ba utilijador Linux, konserteja Terminal laos ona buat foun ona ba sira. Kuaje utilijador Linux gosta liu utilija Komendu sira iha Terminal Linux hodi halo aktividade tomak, hanesan kria folder,  Kopia dadus, instalasaun aplikasaun no aktividade sira seluk tan. Ba hirak ne'ebe foin utilija Linux, hakarak esplika ba ita katak Terminal hanesan Interface ida ne’ebe sem Grafiku sira hanesan Dezeno, butaun ka Animasaun-animasaun ne’ebe mak fasilita utilizador sira. Maibe nia existe deit mak tekstu ne’ebe mak tenke hakerek (ketik) husi utilizador sira.

Hakarak aprende komandu baziku Terminal, bele download liu husi klik iha "Terminal Linux".

Dalabarak mos utilijador linux seidauk hatene oinsa atu download Video husi YouTube, nune'e ohin loron ita sei aprende oinsa download Youtube utilija Terminal Linux.

Maneira download Youtube-dl utilija Terminal Linux.

1. Molok halo instalasaun ba aplikasaun ne'ebe nesesita, uluk nanain Update lai ita nia sistema operativu ho maneira:

$ sudo apt-get update

2. Hotu tiha Download lai aplikasaun ida naran youtube-dl ho maneira:

$ sudo apt-get install youtube-dl

Nota : Youtube-dl hanesan utilidade komandu baziku hodi download video ka halo ekstrak file audio husi sitiu web streming hanesan YouTube, Dailymotion no Vimeo. Aplikasaun refere dezenvolve utiliza Python. 

3. No bainhira remata instalasaun no lao ho susesu katak prosesu instalasaun remata no bele utilija ona.

Maneira download video husi Youtube.

Prosesu instalasaun aplikasaun youtube-dl remata ona, agora maneira download video utilija aplikasaun refere:

1. Loke terminal ho maneira ctrl+Alt+t no utilija terminal refere hodi ba iha diretoriu ne'ebe atu rai video ne'ebe atu download, Ezemplu :

$ cd Desktop/

Nota : Komandu iha leten hatudu katak ha'u hakarak  rai video ne'ebe atu download ne'e iha Desktop. 

2. Loke youtube no kopia url husi video ne'ebe hakarak atu download no paste fali iha terminal atu download :

$ youtube-dl (Paste url iha ne'e)

Ezemplu:

$ youtube-dl https://www.youtube.com/watch?v=NNW7Tg8CgAQ

Fasil tebes,,, 

No Espera download lao ho diak, maka remata ona ita nia materia konaba download Video husi Youtube utilija Terminal Linux.

Bom susesu... Karik iha sujestaun ka Kritika ruma bele rai hela iha koluna komentariu...😋😌😎