Maneira Instala WPS Office iha Ubuntu 16.04

Ok, iha materia ida ohin hau sei fahe oituan konaba oinsa instala WPS Office iha Ubuntu 16.04. Utilizador Linux barak tebes mak too agora seidauk toman utilija LibreOffice bainhira halo dokumentu ruma, inklui mos hau.😂😂😂 Solusaun ba Problema ida ne'e, ikus mai hau hili WPS Office hodi utilija bainhira hau halo dokumentu ruma liliu iha hau nia Sistema Operativu Favoritu Linux. 

Tamba sa tenki WPS  Office? Ho nia interface ne'ebe mak kuaje atu hanesan ho Microsoft Office, maka sei hafasil no la halo konfuzaun ba utilizador sira liliu ida ne'ebe mak babain toman liu Microsoft Office😅😅😅 

WPS Office eziste komponente pakote 3 mak hanesan: WPS Writer, WPS Presentation, dan WPS Spreadsheet. Laos deit kuaje atu hanesan, maibe mos eziste formatu sira ne'ebe mak husi Microsoft Office iha mak hanesan PPT, DOC, DOCX, XLS, no XLSX.

WPS pertense proprietary software, maibe gratuita atu download no utilija iha ita nia Komputador Privadu. No nia mos kompetivel ho Fedora, CentOS, OpenSUSE, Ubuntu, Mint, Knoppix no distro seluk tan husi Linux

Maneira Instalasaun.

Uluk nanain ita download lai WPS Office iha nia pajina ofisial, bele klik iha DOWNLOAD WPS OFFICE hodi hili pakote sira bajeia ba sistema operasaun ne'ebe ita uja no hili mos systema entre 32 bit no 64 bit. Maibe ba iha instalasaun ida ne'e hau hili pakote .dep ho razaun hau utilija Ubuntu.

Depois de download hotu tiha, ita install file .dep refere ho komandu sira  hanesan iha kraik ne'e:

32-Bit

sudo dpkg -i wps-office_10.1.0.5672~a21_i386.deb

64-Bit

sudo dpkg -i wps-office_10.1.0.5672~a21_amd64.deb

Bainhira instalasaun hotu ona,WPS Office prontu ona atu utilija iha Ubuntu 16.04, ne duni ba utilizador Windows sira labele tauk atu halo imigrasaun mai Linux...😆😆😆

Bom Susesu no Obrigado...

NB: Ba Belun vizitante sira karik iha Ideia no Sujestaun halo favor rai hela komentariu iha koluna Komentariu nian😉

Le'e Kontinua

SUBLIME: text editor diak liu ba Programador sira

Text Editor Cross-Platform ho naran Sublime text, dadaun ne'e famozu tebes iha area IT liliu ba sira ne'ebe estuda Programasaun konserteja laos buat foun ona ba sira.

Text editor refere suporta ba linguajem Programasaun no linguajem Markup barak hanesan ASP, C, C++, GO, html, Java, Javascript, Perl, Ruby no  seluk tan.

Maneira Instalasaun Sublime Text 3 iha Ubuntu.

Iha pratika agora, FI-TecLi sei halo instalasaun Sublime Text 3 iha Ubuntu 16.04. Maibe bainhira halo instalasaun, ita presija asesu ba Internet no instalasaun utilija Terminal. Tuir mai akompana prosesu instalasaun faze ba faze iha kraik ne'e:

1. Uluk nanain aumenta lai ppa:repository liu husi CLI Linux mak Terminal

sudo add-apt-repository ppa:webupd8team/sublime-text-3

NB: Hatama Password bainhira husu.

2. Hafoin halo Update

sudo apt-get update

3. Se Prosesu Updatemak hotu ona, bele ona halo instalasaun

sudo apt-get install sublime-text-installer

NB: Hatama password bainhira presija no hatama Y bainhira husu opsaun Y/n iha prosesu instalasaun.

4. Bainhira Prosesu Instalasaun hotu ona, maka bele utilija ona tuir ita nia nesesidade. 

BOM SUSESU 😊😊😊

• Bonus: 

Ba hirak ne'ebe mak utilija Ubuntu Desktop, bele rai ita nia sublime text iha ita nia Luancher ho  maneira loke tiha imi nia Sublime Text, depois klik liman loos hili Lock to Launcher.

Karik halo instalasaun mak akontese fallansu ruma bele fo komentariu iha koluna kraik ne'e atu hadia diak liu tan konteudu tomak husi FI-TecLi. Obrigado😘

Le'e Kontinua

Konese Inkscape: Aplikasaun ne'ebe substitui Corel draw iha Linux

Ba hirak ne'ebe foin halo imigrasaun husi Windows mai Linux, uluk nanain bemvindo😂😃😄 karik ita boot sira toman liu aplikasaun Corel draw bainhira halo dezenu iha Windows, nune'e Inkscape sai hanesan ona solusaun ida hodi substitui Corel draw iha sistema operasaun Linux bainhira halo dezenu grafiku balun hanesan Logo, sertifikadu, poster, pamlet, kamiza no seluk tan ne'ebe presija.

Maneira Instalasaun Inkscape.

Aplikasaun Open Source ida ne'e fasil tebes banhira halo instalasaun no la presija utilija Terminal. Bele ba iha Ubuntu Software bainhira utiliza Distribuisaun Ubuntu no karik utiliza Linux Mint bele ba iha Software Manager hodi search no halo instalasaun. Maibe keta haluha mos katak bainhira halo instalasaun ita presija halo koneksaun ba iha Internet.

Ubuntu Software iha Ubuntu 16.04

Software Manager iha Linux Mint 19

Maibe eziste mos maneira seluk mak utilija Command Line Terminal.  Bele halo tuir prosesu hirak  iha okos ne'e:

1. Aumenta PPA Inkscape ba Repository:

sudo add-apt-repository ppa:inkscape.dev/stable

NB: Hatama Password bainhira nesesita

2. Tamba PPA foun mak tama iha Repository, maka ita tenki Update hodi nune apt bele detekta no ejekuta:

sudo apt-get update

NB: Bainhira Update sei lao hanesan ne'eba


2. Bainhira update hotu ona, bele halo ona instalasaun:

sudo apt-get install inkscape

NB: Hatama Y pois Enter bainhira husu hanesan iha imajen kraik ne'e 

Hein Prosesu hotu bele uja ona,,, Bom Susesu 😋😋😋😋

Iha sujestaun ka Kritika konstrutivu balun hodi hadia diak liu tan konteudu sira iha FI-TecLi halo favor rai hela komentariu iha koluna kraik ne'e. Obrigado😇😇

Le'e Kontinua

Multiboot USB utilija Multisystem

Multisystem hanesan aplikasaun ida ho kodigu nakloke (Software Livre) hodi halo booting barak ka Multiboot iha sistema operativu Linux. Hanesan ita barak konese iha sistema operativu Windows ne’ebe utilija YUMI (Your Universal Multiboot Integrator) hodi kria sistema operativu barak iha flash drive ida. Laos deit sistema operativu, ita mos bele tau antivirus utilities, disc cloning, diagnostic tools ka seluk tan. Ho deit flash drive ida, ita bele tau sistema operativu barak iha laran, vantajem diak ba hirak ne’ebe mak foin halo migrasaun ba Sistema operasaun Linux bainhira hakarak aprende instalasaun OS Linux barak.

Maneira Instalasaun Multisystem

Iha prosesu instalasun, ita presija asesu ba internet (Utilijador Linux pasti hatene😂). Bele utiliza Maneira rua hodi halo instalsaun mak hanesan:

I. Utiliza Terminal :

1. Loke terminal ho maneira: System tools > Terminal ka ho Tekladu Ctrl+Alt+T. 

2. Aumenta script no Key ba Repositori Linux:

 

sudo apt-add-repository 'deb http://liveusb.info/multisystem/depot all main'

wget -q -O - http://liveusb.info/multisystem/depot/multisystem.asc | sudo apt-key add -

 

 

 3. Update no Instala:

sudo apt-get update

sudo apt-get install multisystem

II. Maneira daruak nian download tiha hafoin mak install:

1. Bele klik iha Download

2. Extract tiha file download refere:

3. Double Click iha install-depot-multiboot.sh (file ne'ebe ohin extract) hafoin hili "Run in Terminal".

NB:  (Bainhira extract ona, bele install mos ho terminal ho maneira sudo ./install-depot-multiboot.sh)

 Maneira kria Multiboot (booting barak) ho Multisystem:

Bainhira halo ona instalasaun Multisystem ba iha ita boot nia  sistema operativu, tuir mai prosesu atu halo booting ba flash disk. Maibe molok halo booting, konserteja ita tenki prepara uluk ona Sistema operativu sira (file iso). Karik iha hotu ona, bele lao tuir prosesu hirak tuir mai:

1. Tu'u Flash disk ba ita boot nia Laptop ka PC no loke aplikasaun Multisystem  (bele loke iha menu ka search ka ho terminal hakekre multisystem start) no sei mosu hanesan iha imajen kraik ne'e:

NB: bainhira flash disk detekta ona maka sei hanesan iha imajen leten. Hili hanesan ne'ebe no klik iha Confirm. 

NB: Keta tauk bainhira Confirm hotu tiha mosu nune'e. Kontinua hili deit ok.

2. Nune'e, sei hili iso ne'ebe ita preparaantes ona iha ita nia Laptop/PC ho maneira klik ba simbolu Kaset ne'ebe mak iha, hare iha imajen kraik:

3. Hili file iso husi sistema operarivu ne'ebe preparadu ona, sei mosu hanesan iha imajen kraikne'e, hatama ita boot nia password PC no Enter:

Prosesu sei laohanesan ihaimajen kraik:

No bainhira remata ho susesu maka sem error ruma entaun prosesu booting remata, maibe karik iha fallansu balun, presija cek mos file iso ne'ebe mak ita iha.

Bom Susesu Lutadores...😊😊😊😊

 

Le'e Kontinua

Konese no utilija YOUTUBE

Klaru katak mundu ida agora, dalabarak la sai foun ona ba ema hotu nia tilun konaba YouTube. Nesesidade no aktividade kuotidiana nian sempre ita utilija teknolojia hirak ne'e😊😊😊 Maibe dalaruma mos mosu ita nia hanoin, tamba sa mak Video sira ne'e iha YouTube? Se mak hatama no Oinsa? Resposta ba kestaun hirak ne'e mak ohin loron loron hakerek nain sei fahe oituan informasaun ka konesimentu oituan konaba husi Ejistensia YouTube ho nia utilijasaun tomak...

Historia no Konesimentu konaba YouTube.

            YouTube hanesan sitius web Fahe Video (Video sharing) ne’ebe mak kria husi matenek nain eis-funsionariu PayPal nian iha Fevereiro 2005. Sitiu refere permite utilijador sira atu Hatama, Hare, no fahe vídeo. Kompania ida ne’e nia sentru serbisu iha San Bruno, California. No utiliza teknolijia Adobe Flash Video no HTML5 hodi fo sai konteudu vídeo oioin husi utilizador sira inklui mos Klip Filme, Klip TV, no Video Musika. Alem de ida ne’e, iha mos konteudu amador hanesan Video-Blog (Vlog), Video Orijinal badak (Trailer), Video Edukativu, nst.

            Iha Novembru 2006, YouTube LLC hola husi Google ho montante US$1,65 Miliaun no ofisialmente halo operasaun hanesan kompania Google nia oan (Iha google nia okos).

            YouTube hari’i husi Chad Hurley (ema Amerika), Steve Chen (ema Taiwan) no Jawed Karim (ema Alemanha), ne’ebe mak antes ne’e sai hanesan funsionariu dahuluk iha kompania PayPal. Hurley aprende Desain iha Indiana Univercity of Pennsylvania, nune Chen ho Karim estuda siensia Komputador iha univercity of Illinois at Urbana-Champaign.

            YouTube hahu hanesan kompania Teknolojia pioneiru ne’ebe hetan suporta husi investedor ho montante $11,5 millaun husi Sequoia Capital entre Novembro 2005 too Abril 2006. Servisu fatin dahuluk YouTube iha Pizzeiria no Restorante Jepan nia leten, iha San Mateo California. Naran Domain www.youtube.com ne’ebe ativu iha 14 Fevereiro 2005 no sitiu ida ne’e dezenvolve iha fulan tuir mai.

            Video dahuluk husi YouTube ho Titulu Me at the zoo. Video ida ne’e hadutu konaba fundador Jawed Karim iha San Diego Zoo. Video ida ne’e upload iha dia 23 Abril 2005 no sei iha nafatin too agora iha sitiu YouTube nian.

• Maneira Rejistu Channel YouTube.

            Maneira rejistu Channel YouTube tuir lolos fasil tebes, ita boot iha deit Account Google nian ida hodi bele kria Channel YouTube ne’ebe barak. Nune’e atu dehan deit katak, ita hakarak iha Channel YouTube, ita presija iha Acount Google.

Nune’e nia prosesu kria Channel YouTube mak hanesan tuir mai ne’e:

•    Primeiru: Kria Acount Google.

            Karik ita boot iha ona Account Google, ita boot bele liu prosesu Primeiru ida ne’e hodi ba Prosesu tuir mai. Maibe ba hirak ne’ebe seidauk iha, bele kria uluk ita boot sira nia Account google nian hanesan gmail (bele lee iha Maneira Kria Account Gmail), bele mos loke iha ne’e hodi kria https://accounts.google.com/SignUp.

•    Segundu: Kria Account YouTube.

            Ita nia objetivu lolos husi materia ne’e mak atu kria Channel YouTube, laos Account YouTube. Nune’e ita boot sira hatene ona kalae diferensan entre Account YouTube no Channel YouTube? Dalaruma ita barak mak seidauk entende didiak konaba buat rua ne’e?

Account Youtube hanesan ita boot nia Panel Admin. Klaru liu mak refere ba account ne’ebe ita boot uja hodi asesu ka login iha ita boot nia channel YouTube. Katak Account Youtube hanesan mos ho Account Google.

Channel YouTube hanesan Brand/Naran kanal ka Channel ne’ebe mak ejisti ho konteudu konaba ita boot nia video sira iha YouTube. Katak video sira ne’ebe ita boot hatama ba YouTube tenke liu husi Kanal YouTube.

Klaru ona kalae? Katak YouTube hanesan Sitiu ida konaba Fahe Video ba malu husi Google nian, katak  atu asesu ba Account YouTube, maka ita boot hein tama deit ho ita boot nia Account Google.

Hakarak komprende liu tan bele halo tuir prosesu hirak tuir mai ho diak:

• Maneira kria Account YouTube.

a)  Loke Sitiu Offisial Youtube iha ita boot sira nia Web Browser (bele hakerek www.youtube.com) hafoin hili SING IN, hafoin login utilija ita boot sira nia google Account (gmail).

 

b)  Bainhira ita login ho susesu maka nia sei tama varanda YouTube ho ita rasik nia Account:

Ok,,, Fasil kalae atu halo Account YouTube !!!

Tuir mai akompanha faze pur faze atu kria Channel YouTube (Kanal YouTube):

i.    Tama tiha ita nia Account YouTube, iha ne’e ita iha ona Channel default bazeia ba naran account google nian ne’ebe ita uja hodi login ba YouTube. Klik iha ita boot nia profile account iha ninin los ne’eba, depois hili Creator Studio

ii.      Depois klik nafatin ba iha Profile account nian depois hili butaun ida konaba YouTube setting nian, bele hare iha imajem kraik ne’e:

iii.   Hotu tiha, mai liu iha kraik, klik liafuan Create a new Channel ka Buat channel baru:

iv.     Depois ense ita boot nia Brand Account Name ka bele dehan mos ita boot nia Channel nia naran, (Iha ezemplu ne’eba hau tau Brand Account name FI-TecLi) hotu tiha hili butaun Create:

v.      Ita nia Channel ita kria ona ho susesu, agora ita bele ona utilija no hatamna video tuir ita nia hakarak. Bom susesu Guys...

Le'e Kontinua

MANEIRA KRIA MENSAJEM AUTO REPLY IHA GMAIL.

Olaa!!!! Hatene ona kalae, sistema ida iha Karta eletroniku Gmail ne'ebe sei hatan ba mensajem ruma ho Automatikamente😋😋😋😋 Sistema refere hanaran AUTO REPLY MESSAGES...

          Auto Reply hanesan sistema ida ne’ebe hatan ka Reply ba messajem ruma ho automatikamente. Sistema refere ita utilija bainhira ita iha preokupasaun ka aktividade balun (Ex: Ferias, Exame nia laran, nst) ne’ebe halo ita sei la asesu ba ita nia email. Entaun ema ruma manda email mai ita, maka automatikamente gmail sei hatan mensajem ne’ebe iha tuir liafuan saida mak ita tau. Sistema ne’e importamte tamba karik iha email balun ne’ebe mak importante, entaun ita sei bele fo dalan balun ba ema ne’e atu manda mensajem refere, ezemplu ita bele tau mos ita nia Id media Sosial nian (FB, WA, nst) ka bele tau mos numeru telemovel atu nune ema ne’e telefone direitamente mai ita.

Oinsa atu halo, bele tuir deit maneira iha kraik ne’e:

1. Maneira atu setting auto reply ba dahuluk nian ita tenki asesu ba ita nia email, hafoin kli’ik iha Settings

Bele le'e mos  Maneira Rejistu Gmail

2. Depois tuun liu mai iha kraik (Ikus liu) iha parte General nian iha Vocation responder

3. Iha vocation responder ita tau vistu vocation responder on tuir mai setting loron, fulan no tinan hahu Auto Reply no remata iha loron, fulan no tinan bazeia ba ita nia preokupasaun. Depois tau ita nia subject depende ba ita nia preokupasaun (ezemplu hanesan iha imajem ne’e konaba Informasaun), no tau mensajem saida deit mak ita presija atu tau iha auto Reply ida ne’e (hanesan klarifikasaun ruma) no bele mos tau ita nia Id Sosial media balun ne’ebe mak ema bele halo komunikasaun ho ita, no mensajem seluk tan ne’ebe presija.

NB: Se auto reply ne’e ita hakarak uja ba email hirak ne’ebe iha ita nia kontak, ita bele vistu tiha iha  only send a response to people in my contacts. Maibe karik hakarak funsiona ba kualker email entaun la presija halo vistu.

4. Hotu tiha, ita hili Save Changes. Nune’e ita nia Mensajem Auto Reply ativu tiha ona ho susesu no sei desativu tuir tempu ne’ebe ita determina.

5. Asesu fali ba email seluk hodi verifika katak ita nia sistema Auto Reply lao ona ka seidauk. Koko manda tok mensajem balun ba ita nia email ne’ebe ohin ita halo Auto Reply;

Bele le'e mos MANEIRA HARUKA KARTA LIU HUSI GMAIL

 

6. Bainhira ita manda tiha mensajem refere, auto reply sei haruka mensajem ne’ebe ohin ita setting ona ne’e ho automatikamente. Mensajem ne’ebe ohin ita halo mak iha imajem kraik ne’e, no hatudu katak ita nia sistema auto reply lao ho susesu ona.

 Iha ideia ka kritika inovativu ruma bele manda hela mai liu husi koluna komentariu obrigadu😮😮😮😮

Bom Susesu,,,!!!

Le'e Kontinua