Maneira troka Background GRUB Linux ho Imajem

GRUB liafuan badak husi Grand Unified Boot Loader, hanesan bootloader ne'ebe sempre utilija iha sistema operasaun Linux. GRUB permite utilijador Linux atu bele hili sistema operativu barak no diferente iha komputador ida no GRUB mos permite utilijador sira hili Sistema Operativu ida ne'ebe mak atu ejekuta bainhira foin halakan komputador.

Ba utilijador Linux ne'ebe maka sempre ka hetan bei-beik bootloader refere bainhira hamoris ka loke ita nia komputador no baruk  ona ho Kor ne'ebe mak iha😀😈😎. labele Preokupa, ita sei bele troka ho ita nia imajem favoritu ne'ebe ita iha.

Bele le'e mos "Aplikasaun 5 Video Editor iha Linux ne'ebe famoju liu"

Prosesu troka Background GRUB ho Imajem:

Iha Pratika ida ne'e autor utilija Ubuntu 16.04, Maibe bele koko mos versaun no distribuisaun seluk linux nian.

1. Prepara imajen ne'ebe mak atu uja ho naran wall.jpg

2. Kopia imajen refere ba iha folder /boot/grub. Bele utilija nautilus atu nune'e bele asesu hanesan admin hodi bele kopia imajen refere ka bele mos utilija terminal hodi kopia.

Bainhira utilija nautilus : 

$ sudo nautilus

Bainhira loke ona bele kopia imajen wall.jpg ba iha folder /boot/grub. 

Bele Kopia ho de'it Terminal :

$ cp wall.jpg /boot/grub

3. Bainhira hotu ona bele update ona ita nia grub ho maneira:

$ sudo update-grub

4. Bele reboot ona hodi hare nia rejultadu.

Nota : Sei iha tan maneira seluk atu bele troka ita nia GRUB ho imajen. Bele utilija text editor hodi troka ho maneira loke terminal hakerek :

$ sudo gedit /boot/grub/grub.cfg 

Hotu tiha buka imajen wall.jgp hodi troka nia enderesu ba imajen ne'ebe mak hakarak tau ba GRUB ne'e nia enderesu.

BOM SUSESU 😊😊😊

Le'e Kontinua

Aplikasaun 5 Video Editor iha Linux ne'ebe famoju liu

Daudaun ne'e ejiste dezenvolvedores barak mak dezenvolve aplikasaun sira ba Plataforma Linux. Buat hirak ne'e tamba husi loron ba loron utilijador Linux aumenta ba beibeik. Ita bele dehan katak agora daudaun Linux bele utilija iha area Profesional no Profisaun saida deit, hahu husi Mediku😅, Programmer no saida de'it, inklui Video Maker sira.

Koalia konaba Video, iha Linux rasik ejiste Aplikasaun barak tebes hodi atu editing ba Video. Hahu husi edit Video kiik ka simples to'o ida boot ne ka Profesional hanesan edit Filme. 

Karik ita boot utilijador Linux no agora daudaun buka hela aplikasaun hodi edit video, maka ita boot la loke sala Publikasaun.

Aplikasaun 5 Video Editor Linux nian ne'ebe famoju liu :

1. Lightworks

Ate agora, Lightworks hanesan aplikasaun video editing gratuita ne'ebe kapas liu. Ho faktu katak Filmajem barak tebes maka utilija aplikasaun refere hodi halo editing hanesan The Wolf of Wall Street, LA Confidential, Pulp Fiction, Heat, Road to Perdition, Hugo, The King’s Speech no sira seluk tan.

Ho era dezenvolvimentu ne'ebe to'o ona tinan 25, Lightworks hanesan aplikasaun video  editing ne'ebe kompletu tebes ho ona ho nia tools no menu sira ne'ebe hafasil prosesu editing ba video ka filme ruma.

Maneira Instalasaun ho Terminal:

sudo wget http://downloads.lwks.com/v14/lwks-14.0.0-amd64.deb

sudo dpkg -i lwks-14.0.0-amd64.deb

Karik iha error ruma bele aumenta:

sudo apt-get -f install

2. Kdenlive

Kdenlive hanesan aplikasaun editing video ne'ebe mak dezenvolve husi komunidade ne'ebe dezenvolve KDE. Kdenlive hanesan video editor ne'ebe laos deit dezenvolve ba Linux, maibe mos ba freeBSD no Mac.

Kdenlive eziste ba distribuisaun Sistema Operativu Linux nia barak husi  Archlinux, Debian, Fedor, Ubuntu, elementary OS, Gentoo, no sira seluk tan. No Kdenlive mos hanesan video editing ne'e ha'u gosta liu hodi utilija.

Maneira Instalasaun utilija Terminal:

sudo add-apt-repository ppa:kdenlive/kdenlive-stable
sudo apt-get update
sudo apt-get install kdenlive

3. OpenShot

OpenShot mos hanesan Video Editing ne'ebe mos Powerfull hanesan Lightworks dan Kdenlive. Tamba ho faktu ne'ebe hatudu bainhira OpenShot manan Premiu nu'udar aplikasaun Open Source diak liu iha kategoria Video Editor.
OpenShot nia vantajem entre sira mak hanesan Cross-Plataform (Linux, Windows no MacOS), Trim no Slice, Animation no Keyframes, Unlimited Tracks, Video Effects, Title Editor, Audio Waveforms, 3D Animations, Slow Motion no Time Effect, no sei barak tan. OpenShot mos ejiste mais de 70 lingua, maibe seidauk ezite iha Tetun, karik loron ida sei ejiste mos ho lian Tetun.

Maneira Instalasaun utilija Terminal:

sudo add-apt-repository ppa:openshot.developers/ppa
sudo apt-get update
sudo apt-get install openshot-qt libopenshot*

Karik falla bele utilija mos:

sudo add-apt-repository ppa:openshot.developers/ppa

sudo apt-get update

sudo apt-get install openshot openshot-doc

4. FlowBlade

Lightworks, Openshot no Kdenlive hanesan aplikasaun editing video ne'ebe powerull no popular ne'ebe utilija husi utilijador linux. Maibe iha mundu Open Sorce, sempre iha eskolla barak atu hili hodi uja. Aplikasaun video editing seluk ne'ebe mos la lakon Powerfull hanesan FlowBlade.

FlowBlad hanesan aplikasaun Open Source no Multitrack video editor non-linear iha Linux. Flowblad foin mak dezenvolve iha 2012 no to'o agora dau-daun eziste ona versaun ha'at maka 0.12. 

Maneira Instalasaun:

Uluk nanain ita download lai aplikasaun FlowBlad iha ne'e "DOWNLOAD FLOWBLAD"

Instalasaun utilija Terminal:

Bainhira Download ona, loke fali folder husi download refere no bele halo instalasaun ho terminal ho maneira:

sudo dpkg -i ./(tau aplikasaun ohin download ne'e nia naran)

ezemplu:

sudo dpkg -i ./flowblade-1.16.0-1_all.deb 

No hotu tiha ka error ruma bele utilija komandu hanesan:

sudo apt-get install -f

5. Cinelerra

Cinelerra  dezenvolve tiha ona ita tinan 1998 no agora daudaun atinji ona versaun 7. Tuir informasaun ne'ebe fo sai iha nia website ofisial, Cinelerra konsege download ona dala 5 millaun. Hanesan mos ho Lightworks, Cinelerra mos hanesan aplikasaun video editing ba Filme.
Eziste Tools ne'ebe barak tebes ne'ebe funsiona hodi halo ka edit ita nia filme sai furak liu ho nia efek sira, menu edit, fo textu, no sei iha seluk tan.


Maneira Instalasaun utilija Terminal:

sudo add-apt-repository ppa:cinelerra-ppa/ppa
sudo apt-get update
sudo apt-get install cinelerra-cv

Ida ne'e mak aplikasaun 5 Video Editor Linux nian ne'ebe famoju liu tuir FI-TecLi nia peskija. Ida ne'e hotu ita bele hetan ho gratuita. Ita boot bele koko hotu aplikasaun 5 iha letan ne'e no hodi senti ita ne'ebe mak ita boot gosta liu no toman liu no kona ho ita boot nia nesesidade.

Dala ida tan Bom Susesu!!!😊😊


Nota: Kritika no sujestaun bele rai hela komantariu ruma iha koluna okos.

Le'e Kontinua

Historia, Kriasaun to Publikasaun Web Blog utilija Blogger

Web Blog ka baibain ema bolu Blog, daudaun ne'e famoju tebes iha mundu, inkui Timor-Leste. Blog hanesan sitiu privadu ne'ebe bele uja hodi hakerek esperiensia privadu, no mos halo promosaun bisnis ne'ebe ita iha, bele mos fahe matenek no mos buat barak tan liu husi blog.

Blog ou Web blog hanesan promosaun moris digital ne'ebe mak avansadu husi loron ba loron. Iha internet, blog prepara gratuita ba sese deit, inklu dezenu, hosting e ate funsaun seluk ne'ebe mak bele halo ita nia blog kapas liu tan no fasil atu halo'o publikasaun. 

Blog fo-foun uja husi ema artista no selebriti sira deit tamba iha tempu ne'eba kuandu atu kria blog persija orsamentu barak, kompostu husi nia dezenu, Domain, selu Hosting no nia manutensaun ba blog. Iha parte seluk persija mos konesimentu klean kona ba Language Programming hanesan PHP no MySQL. Maibe hare ba kondisaun ne'ebe avansadu tebes, ikus-ikus ne'e iha ona situs barak mak prepara ona blog gratuita no la persija konesimentu klean kona ba Language programming. Agora dadaun iha fasilitator barak mak prepara ona situs no blog ho gratuita, hanesan blogger, wordpress nst, no ida famoju liu mak blogger.com ne'ebe mak utilijador barak liu tamba fasil atu maneija nia template tuir nescesidade. Iha ne'e sei halo'o esplikasaun kona ba blogger deit tamba blog ida ne'e mak famoju liu iha mundo, ema barak uja blog ida ne'e tamba blog ida ne'e konfortable no fasil atu halo operasaun.

• Historia Blogger

Blog primeira vez populariza husi blogger.com husi Pyra Labs molok ikus mai Google sosa iha tinan 2002 liu ba, no iha tempu ne'eba iha mos aplikasaun-aplikasaun livre ne'ebe mak fo benefisiu ba hakerek nain blog ne'e rasik.

Blog iha funsaun ba buat barak, komesa husi agenda privadu media, publikasaun ba kampanya politika no mos ba iha programa-programa media no kompania sira nian. Iha blog balu maneija husi ema ida deit maibe iha blog balu mos maneija husi hakerek nain barak. Iha blog barak mos iha fasilidade interaksaun ho nia visitor sira, hanesan uja Guest book ne'ebe mak fo biban ba nia vizitantes sira atu fo komentario kona ba konteudo husi posting ne'ebe mak publika ona, maibe iha balu mos la fasilita Guest book ou non interktif.

• Maneira Rejistu Blog utilija Blogger.

1. Loke Web Browser (Firefox, Chrome ka ida ne'ebe iha) hakerek www.blogger.com ka Klik iha Blogger

2. Bainhira mosu hanesan iha leten, hili Create Your Blog. Nune'e sei haruka ita Login ba iha ita nia gmail. Karik seidauk iha gmail bele Kria iha "Maneira Kria Gmail"

Prense Email

Prense Password

3. Bainhira login ona iha ita nia gmail, sei mosu hanesan iha imajen kraik ne'e: 

Nota : 
1. Titulu (judul) : Sei tau ita nia Titulu husi Blog ne'ebe ita hakarak kria ne'e;
2. Enderesu (alamat) : prende enderesu husi blog ne'ebe ita Kria;
3. tema : Hili tema ba blog refere.

4. Bainhira prense hotu ona bele Kria ona ita nia blog iha butaun buat blog no sei mosu hanesan iha imajen kraik ne'e:

5. Parabens ita nia Blog konsege kria ona, klik iha lihat blog iha parte karuk hodi hare nia rezultadu.

• Maneira Publika Materia ba blog.

1. Tama iha Blog, klik ba Postingan no hili entri baru, hanesan iha imajen Kraik ne'e:

 

2. Bainhira mosu ona hanesan iha imajen kraik, bele Prense ona Titulu no Konteudu husi materia saida mak ita hakarak publika iha ita nia blog refere:

 

Nota :

1. Prense Titulu ita koluna leten besik iha liafuan Entri nian ne'e;
2. Prense Konteudu saida deit mak ita Presija atu hatama iha folla mamuk ne'e;
3. Ba Konteudu ne'ebe ho Imagen no Video bele ba iha butaun ida leten ne'e hodi hatama ka insert deit (imajen labele copy husi office mak hatama);
4. Ba iha butaun sira ne'ebe mak utilija iha leten, hanesan ho butaun sira ne'ebe mak baibain utilija iha Microsoft Office ka Libre Office sira ne'e, ezemplu Bold, Italic ka Underline;
5. Karik seidauk hakarak Publika ka seidauk halo didiak konteudu sira, hili butaun SAVE hodi rai hela, no sei bele edit fali halo diak mak foin publika;
6. Molok Publika, hanehan butaun Preview hodi hare lai nia rejultadu, no bainhira seidauk satisfeitu ho nia rejultadu, bele hadia fila-fali;
7. No ikus liu bainhira Prontu hotu ona, Reza🙏 tiha lai hafoin hanehan butaun Publish

3. Bainhira Publika ona, Sei mosu hanesan iha imajen refere, no sei bele edit bainhira iha fallansu ruma. Hare nia rezultadu iha butaun Lihat Blog

Bom Susesu Guys!!!😍😍


Iha Sujestaun ka kritika konstrutivu balun bele rai hela komentariu ida ka rua hodi hadia diak liu tan konteudu sira iha FI-TecLi Obrigadu😊😊

 

Le'e Kontinua